Caden Me Kwo Wa

UGX 50,000

Sold By : Mak Press

Category: General

Author: Laury Lawrence Ocen Okaka Opio

Description

Buk man obedo caden me kwo a jo aryo; Okaka Opio Dokotum kede Laury Lawrence Ocen ame obedo opwonye oywek, oco buke, omi tam, otela, otuc jiri, kede okwed ngec i rwom amalo; bukki gwao kwo gi cakere i nywalle gi tunu naka amanni. Kwo a dano bedo bala bac paak ame kwon jo apapat donyo ye te ya iye, kede yec apapat dang i tim apapat. Ceko me kwo a joni aryo ni gudu mwakki apol, gamente apol, tekwaro, kanorumu wa, wibye, dini, can, kuc, koko, lello, timere a bulu, kede riggo tung. Joni oyaro kwo gi kan aler iyi bukki wek bed me pwony, akwenyakin, kede teggo cwiny bot jo okene.

Okaka Opio Dokotum obedo Alub Vice Chancellor me Lira Yunibaciti kede Puropeca me Litereca kede Pilim. En obedo dang Adwongkom me Lango Language Board. Dokotum obedo aco lemu, tukugoga, ceko a papat kede buke okene a pol i Leblango kede Lebmunu ame otio kede i cukule. En obedo ayik cinema dang obedo Direkta me Oyeyeng Productions Ltd., ame ngeye wok pi pilim me Wek Abonyo Kwani (2003). Dokotum onyomo Pamela Renne, obedo gini Lira City kede nyar gi Amina Mary.

Laury Lawrence Ocen obedo Cinia Lekcara i Lira Yunibaciti i Dipatimen me Professional Studies ame tye i Pwakalti me Pwonyere. Ocen obedo acoc lemu, durama kede ceko aboco, kede dang obedo atuku durama kede pilim oywek. En dang obedo Awitong me Okarowok Wibye Acel, kede Wonkom acon me Lango Language Board. En onyomo dako ame olwongo ni Jacqueline Koli, gin otye kede otino angwen.

Buk man obedo twon lonyo adit kede dang pwony adit totwal bot Lango. Wan Lango myero opwoo otino wa ni pi coc man kede dang okoporo tic gi. An alego ni Rwot Obanga med i gi kwo me timmo jami adongo abeco ame kato en ame tye iyi buk man. Daniel Omara Atubo, Awitong kede MP/ Minicita Acon Buk Caden me Kwo Wa ame Okaka gin kede Ocen ocoo obedo twon gum adwong totwal bot Lango dok tye kede pwony kede ceko adwong kede dang medo ryeko kede ngec ikom tekwaro kede Leblango bot okwanno. Coc magi poyo wii wa i kom jami a pol a kwako lwak me Lango kede Uganda i kare okato kede i kin kare ni. Buk man dang cukuru cuny jo ame pe tye acoc me kwanynyo kare me coyo jami akwako kwo gi, kede dang coyo kopokato kede kop me kare ni a kwako Lango. Rwom me coyo buk man rwatte kede tic ococ me wilobo adongo, pollere wok, ikak apilocopa oywek me Russia, Mikhail Bakhtin ame ticcere onwongo kwako leb, etikk, kede tiory me litereca. Buk Okaka gin kede Ocen cal kede coc a Bakhtin i yi bukkere Rabeilas and His World, ame en otutte iye me nyuttu kit ame litereca, tekwaro kede kwo a lwak rwatte kede, dok buk-aca otio kede i wilobo lung me gonynyo kop ikom leb, coc kede tekwaro. Buk a joni aryo ni bino dang bedo acalo ajur pi coc me tekwaro ducu ame bino dong lubbu i Lango. Dr. Ernest Okello Ogwang, Alub Vice Chancellor Acon me Makerere Yunibaciti kede Puropeca me Litereca.